Naýryz merekesine oraı astanalyqtarǵa 25 saýda ortalyǵynda jeńildikter jasalmaq

ASTANA. QazAqparat - Elordada Naýryz meıramyna oraı 22 naýryzda 25 saýda nysanynda merekelik is-sharalar, aktsııalar ótkizilip, jeńildikter jasalady. Bul týraly qalalyq Kásipkerlik jáne ónerkásip basqarmasynan habarlady, dep jazady elorda ákimdiginiń saıtynda.

Atap aıtqanda, merekelik is-sharalar «Evrazııa», «Álem», «Artem», «Ásem», «Ajar», «Gúljan», «Jannur» saýda ortalyqtarynda, «Qulager», «Sharyn», «Kerýen», «Megastroı», «Ásem», «Sálem», «Etalon», «Oń - Olja», «Kók bazary» jáne «BIG Shanhaı» SQK bazarlarynda, sondaı-aq, «Astana - Qamqor» JShS, «Shapaǵat» kommýnaldyq bazary», «Fenıks» SÚ, «Megastroı Astana DIY» JShS, «Astyqjan» SO, «Anvar» sýpermarketter jelisinde, «Ramstor Qazaqstan» JShS, Metro Cash & Carry jáne barlyq «Green» jelisinde uıymdastyrylady. Bul kúni atalǵan saýda nysandarynda Naýryz meıramyna oraılastyrylǵan promo-aktsııalar men túrli ónimderden dám tatý ótkiziledi. Sondaı-aq elorda turǵyndary men qonaqtaryna baýyrsaq, Naýryz-kóje, palaý, qymyz usynylady. Jáne kópshilik úshin tómendetilgen baǵamen jármeńke uıymdastyrylady. Onda azyq-túlikterge, onyń ishinde et, sút, kókónis ónimderine 10% jeńildik jasalady. Sonymen qatar gúlderdiń kórme-satýy men lotereıa oıynyn ótkizý de josparda bar. Al kúni boıy merekelik kontsertter men ulttyq oıyndar, arqan tartý, 16 kg kir tasyn kóterý, kúres-armrestlıng boıynsha sporttyq jarystar, qazaq jáne orys tilderinde radıo-rýbka arqyly merekelik quttyqtaý aıtylady.