Naýryz merekesine oraı 25 saýda ortalyǵynda jeńildikter jasalmaq - Astana
ASTANA. QazAqparat - 22 naýryzda elordadaǵy 25 saýda nysanynda merekelik is-sharalar, aktsııalar ótkizilip, jeńildikter jasalady.
Bul týraly astana.kz saıtyna qalalyq Kásipkerlik jáne ónerkásip basqarmasynan habarlady.
Atap aıtqanda, merekelik is-sharalar «Eýrazııa», «Álem», «Artem», «Ásem», «Ajar», «Gúljan», «Jannur» saýda ortalyqtarynda, «Qulager», «Sharyn», «Kerýen», «Megastroı», «Ásem», «Sálem», «Etalon», «Oń - Olja», «Kók bazary» jáne «BIG Shanhaı» SQK bazarlarynda, sondaı-aq «Astana - Qamqor» JShS, «Shapaǵat» kommýnaldyq bazary», «Fenıks» SÚ, «Megastroı Astana DIY» JShS, «Astyqjan» SO, «Anvar» sýpermarketter jelisinde, «Ramstor Qazaqstan» JShS, Metro Cash & Carry jáne barlyq «Green» jelisinde uıymdastyrylady.
Bul kúni atalǵan saýda nysandarynda Naýryz meıramyna oraılastyrylǵan promo-aktsııalar men túrli ónimderden dám tatý ótkiziledi, elorda turǵyndary men qonaqtaryna «Naýryz taǵamdary» (baýyrsaqtar, Naýryz-kóje, palaý, qymyz) usynylady, tómendetilgen baǵalarmen jármeńke uıymdastyrylady, azyq-túlikterge (et, sút, kókónister) 10% jeńildik jasalady, gúlderdiń kórme-satýy, lotereıa utysy ótedi.
Sonymen qatar, kúni boıy merekelik kontsertter men ulttyq oıyndar, sport jarystary (arqan tartý, 16 kg gir kóterý, kúres-armrestlıng) uıymdastyrylady.
