Naýryz merekesine qarsy «Nur-Sultan-1 - Shymkent» poıyzyna vagondar qosylady

NUR-SULTAN. QazAqparat – Naýryz merekesi qarsańynda «Nur-Sultan-1 – Shymkent» baǵytyndaǵy №202/201 jolaýshylar poıyzyna qosymsha reıster qosylady, dep habarlaıdy QazAqparat «Jolaýshylar tasymaly» AQ baspasóz qyzmetine silteme jasap.

«Jolaýshylar tasymaly» AQ mereke kúnderi jolaýshylar aǵynynyń ulǵaıýyna baılanysty «Nur-Sultan-1 – Shymkent» baǵytyndaǵy №202/201 jolaýshylar poıyzyna qosymsha reısteri taǵaıyndalatynyn habarlaıdy:

- Nur-Sultan-1 stansasynan 2021 jyly 19, 22, 26 naýryzda jóneltiledi, Shymkent stansasynan 2021 jyly 20, 23, 27 naýryzda jóneltiledi.

Ulttyq tasymaldaýshy jolaýshylardan BILET.RAILWAYS.KZ saıty nemese «QTJ bıletteri» mobıldi qosymshasy arqyly jol júrý qujattaryn (bıletterin) onlaın rásimdeýdi suraıdy. Sondaı-aq qajet bolǵan jaǵdaıda temirjol bıletterin «Kútý paraǵy» fýnktsıonalyn paıdalana otyryp satyp alýǵa bolatyndyǵyn esterińizge salady.

Sonymen qatar, karantın rejımine baılanysty jolaýshylardan vokzaldar aýmaǵynda jáne poıyzdar ishinde betperde rejımin saqtap júrýlerin suraımyz»,-delingen habarlamada.