Naýryz merekesinde túrkistandyq otbasy baspanaly boldy

TÚRKІSTAN. QazAqparat- Naýryz merekesinde túrkistandyq bir otbasy baspanaly boldy, dep habarlaıdy QazAqparat tilshisi.

Túrkistan qalasyndaǵy «Bekzat» turǵyn alqabynda jyl saıyn áleýmettik qoldaýǵa muqtaj otbasylarǵa baspana syılaý dástúri qalyptasqan. Bıylda atalǵan shara óz jalǵasyn tapty.

Áz-Naýryz merekesine oraı 1992 jyly týylǵan azamattar kóp balaly, jalǵyz basty anaǵa baspana salyp berdi. Bes balanyń anasy Dana Qydyrbaeva jańa úıge qonys aýdaryp, kóńili qýanyshqa keneldi.

Saltanatty sharaǵa qatysqan qala ákimi Nurbol Turashbekov yrysty yntymaǵyn saqtap, ıgi sharalarymen úlgi bolyp júrgen sektor azamattaryna alǵysyn aıtty.

Jalpy Túrkistan oblysynda Ulystyń uly kúni – Naýryz merekesi 10 kún boıy ıgi istermen jalǵasyn tapty. Al búgin oblys ortalyǵy – Túrkistan qalasyndaǵy «Kerýen saraı» kesheninde «Qosh keldiń, áz Naýryz!» merekesi atap ótildi.

Aıta keteıik, budan aldyn Túrkistandaǵy naýryz merekesinde Arys turǵyny 55 kelilik qoshqardy 303 ret kótergenin jazǵan bolatynbyz.