Naýryz merekesinde GSM Qazaqstan/Kcell abonentteri 80 mıllıonǵa jýyq qońyraý shaldy
ALMATY. 24 naýryz. QazAqparat /Erlik Erjanuly/ - 22 naýryzda Kcell jáne Activ abonentteri bir-birin Jańa jyl merekesimen quttyqtaý úshin 80 mıllıonǵa jýyq qońyraý shalǵan.
GSM Qazaqstan/Kcell kompanııasynyń baspasóz qyzmetiniń habarlamasyna qaraǵanda, bul 2010 jylmen salystyrǵanda 5 esege kóp.
«Bizdiń statıstıkamyzǵa qaraǵanda ádettegi kúndermen salystyrǵanda Naýryz merekesi kezinde qońyraýlar sany 8 paıyzǵa, jiberilgen sms-quttyqtaýlar - 2 esege kóbeıdi. Eger biz ótken jyldyń sáıkes kezeńindegi derekterimen salystyrsaq kompanııamyzdaǵy abonentterdiń sóılesý belsendiligi 5 esege, qysqa habarlamalardy jiberý 1,3 esege óskenin ańǵaramyz», - deıdi baılanys operatorynyń Korporatıvtik kommýnıkatsııalar jónindegi dırektory Aıda Dosaeva.
Onyń aıtýynsha, mereke kezinde kompanııanyń jelisinde qandaı da bolsa kúrdeli máseleler oryn alǵan joq. Buǵan olardyń óz jelisiniń ótkizgishtik qabiletin ulǵaıtý úshin barlyq qajetti sharalardy olar aldyn ala jasaýy óz septigin tıgizgen.
