Naýryz merekesinde elimizdiń basym bóliginde aýa raıy turaqsyz bolady - Qazgıdromet
ASTANA. QazAqparat - 22 naýryz kúni respýblıkanyń basym bóliginde atmosferalyq aǵyndardyń ótýine baılanysty aýa raıy turaqsyz bolady, birqatar aımaqtarda jel kúsheıip, tuman túsedi, jekelegen aýdandarda kóktaıǵaq bolady. Bul týraly Qazgıdrometke silteme jasap, QR TJM baspasóz qyzmetinen habarlandy.
Qostanaı oblysynda burqasyn bolyp, jel kúsheıe túsedi, kók taıǵaq bolady. Aqtóbe, Soltústik Qazaqstan, Atyraý, Jambyl, Mańǵystaý oblystarynda jeldiń ekpini 15-20 m/s bolady. Ońtústik Qazaqstanda da jel kúsheıip, keı aımaqtardy naızaǵaı oınaıdy. Almaty, Batys Qazaqstan oblystarynda, túnde jáne tańerteń Shyǵys Qazaqstan oblysynda tuman túsedi. Túnde Aqmola oblysynda jel kúsheıip, ekpini 15-20 m/s bolady.
