Naýryz merekesinde Bılaın abonentteri 1 mıllıon 966 myń 561 saǵat boıy bir-birin quttyqtady
ALMATY. 24 naýryz. QazAqparat /Erlik Erjanuly/ - Naýryz merekesinde Qazaqstanda Bılaın saýda belgisimen jumys jasaıtyn «KaR-Tel» kompanııasy abonentteri 80 mıllıondaı qońyraýlar shaldy.
Bul ótken jylǵy kórsetkishten 20 paıyzǵa artyq. Ondaǵy sóılesýlerdiń jalpy uzaqtyǵy bıyl 1 mıllıon 966 myń 561 saǵatty qurap otyr. Osyndaı uzaqtyqta qońyraý jasaý úshin bir adamǵa úzilissiz 226 jyl sóılesý qajet eken.
«Ejelden kele jatqan dástúr boıynsha Naýryz meıramy qarsanynda tal egip, bulaq kózin ashý qajet. SMS-habarlamanyń árqaısysy 1 sálemhattyn ornyn toltyratynyn eskeretin bolsaq, Beeline abonentteri qaǵazdyń 100 tonnasyn únemdep, sáıkesinshe 5 myń aǵashty qutqardy», -deıdi «KaR-Tel» JShS-niń marketıngtik dırektory Aınur Ábjanova.
Onyń aıtýynsha, kompanııa abonentteri mereke kezinde 10 mıllıonnan astam SMS-quttyqtaýlar jiberdi. Eger de osy SMS-quttyqtaýlardyń árbirin jeke quttyqtaý hatqa basyp shyǵarsa, desteniń bıiktigi 4849 metrdi quraıdy. Bul Ońtústik-Shyǵys Talǵar shyńynyń bıiktigimen birdeı bolady.
