Naýryz merekesinde 10 myń shar Astana kóginde qalyqtady
STANA. Naýryzdyń 22-si. QazAqparat /Jasulan Amanbaıuly/ - Astanada Naýryz meıramynyń negizgi merekelik sharalary Ǵashyqtar saıabaǵynda, «Han shatyr» saýda ortalyǵynyń janynda ótýde,
dep habarlaıdy QazAqparat.
Ortalyq sharalar ótip jatqan Ǵashyqtar saıabaǵynyń alańynda 10 myńǵa jýyq shar kókke ushyryldy. Osydan keıin meıramnyń barysy teatrlandyrylǵan kórinispen ulasty. «Jigitter», «Úrker», «Báıterek» toptary, Mádına Sádýaqasova, Ramazan Stamǵazıev, sondaı-aq Astana qalasynyń shyǵarmashylyq ujymdarynyń qatysýymen merekelik kontsert bastaldy. Qala ákimdiginiń baspasóz qyzmetiniń aıtýynsha, alańda Respýblıkalyq Ulan sarbazdarynyń áskerı sherýi ótedi.
Qalada júzdegen kıiz úıler tigilip, qalanyń ár jerlerinde 17 alań qurylyp, onda Qazaqstan estrada juldyzdarynyń qatysýymen kontsertter qoıylýda. Atap aıtqanda, qaladaǵy «Jastar» saraıynyń syrtyndaǵy alańda, ortalyq saıabaqta, «Atameken» etno-memorıaldy kesheninde, Báıterek monýmenti jáne Qarjy mınıstrligi ǵımaratynyń janyndaǵy alańdarda, «Tulpar» ıppodromynda jáne Oqýshylar saraıynda merekelik sharalar uıymdastyrylǵan.
