Naýryz merekesi qarsańynda qyrǵyzstandyqtar tórt kún demalady

ASTANA. QazAqparat - Qyrǵyzstandyqtar Naýryz merekesine oraı tórt kún demalady. Qyrǵyz úkimeti 2017 jyldyń 20 naýryzyn - dúısenbi kúnin demalys dep jarııalady, dep habarlaıdy 24.kg agenttigi.

Qyrǵyzstan premer-mınıstri Sooronbaı Jeenbekov demalys jáne mereke kúnderdi utymdy paıdalaný úshin Qyrǵyzstan Respýblıkasy Eńbek kodeksiniń 113-babyna, Úkimet týraly zańnyń 10 jáne 17-baptaryna sáıkes, jumys kúnin aýystyrý týraly qaýlyǵa qol qoıdy.

Aptasyna bes kún jumys jasap, eki kún demalatyn uıymdar, kásiporyndar men mekemeleri úshin 21 naýryz kúni Naýryz meıramy atap ótiletindikten, 20 naýryzdaǵy jumys kúni 2017 jyldyń 25 naýryzyna aýystyryldy.

Osylaısha, qyrǵyzstandyqtar tórt kún - 18-nen 21 naýryzǵa deıin demalady. 
Eske sala ketsek,Qazaqstan Respýblıkasy Premer-mınıstriniń qaýlysyna sáıkes Naýryz merekesine oraı qazaqstandyqtar bir aptaǵa jýyq demalady. Senbi, 18 naýryz - jumys kúni, al, 19, 20, 21, 22, 23 naýryz kúnderi tolyq demalys, juma, 24 naýryz - jumys kúni de, 25-26 naýryz - senbi-jeksenbi kúnderi taǵy demalys bolady.