Naýryz merekesi -beıbitshilik pen qoǵamdyq kelisim jolyndaǵy turaqty qoǵam qurýǵa zor yqpalyn tıgizip otyr - QHA quttyqtaýy
«Naýryzdyń kelýimen jer dúnıe jańaryp, tabıǵat túleıdi, dastarqan aqqa tolyp, eldiń mereıi ústem bolady, jer ústinde kóktemgi shattyq ornaıdy. Halqymyz úshin bul kún qashanda yrys pen yntymaqtyń, tatýlyq pen birliktiń, jastyqtyń jáne jańǵyrýdyń merekesi. Ulystyń uly kúni eldiń basy bir arnaǵa toǵysyp, birligi bekemdelip, eldik murattar sabaqtalady. Aǵaıyn, týys, kórshi, dos - jurt bolyp jumylyp ótkennen qalǵan ókpe, nazyn umytyp tós qaǵysyp sálemdesip, aq dastarqannan dám tatady. Eldiń tatýlyq pen kelisimde ómir keshýi, barsha azamattardyń turmysy men tegine qaramastan teń quqyqqa ıe bolýy, kún men tún teńesip, tabıǵatta, álemde teńdik ornaıtyn Naýryzdyń qaǵıdattaryna týra keledi», delingen Assambleıa saıtyna ornalastyrylǵan quttyqtaýda.
«Táýelsizdik tarıhynda berekeli bolashaǵymyz nesibeli bolsyn degen nıetpen rýhanı qundylyqtarymyzǵa jete mán berilip ata dástúrimizdi jańǵyrtýǵa keń jol ashylyp keledi. Sonyń ishinde Ulystyń uly kúni Naýryz merekesi - eldi beıbitshilik pen qoǵamdyq kelisim jolyndaǵy, yrysy mol turaqty qoǵam qurýǵa baǵyttaýǵa zor yqpalyn tıgizip otyr.
Búginde Naýryz merekesi Qazaqstan halqyna tán jalpyǵa ortaq qundylyqqa, eldik dástúrge aınaldy. Bul kúni barsha otandastarymyz Naýryzdyń saltyna saı birin biri aq dastarqanǵa shaqyryp, boıyna qýat tilep, as tartyp, jańa kezeńde ashyq-jarqyn jańasha qarym-qatynasyn bastaıdy. Eldiń tilegi aıtylyp, jańǵyrýǵa bastaıtyn uly merekede halqymyzdyń yntymaǵy jarasyp, elimiz molshylyqqa, al ár shańyraq - baqyt pen shattyqqa tolsyn dep tileımiz! Elimiz aman, jurtymyz tynysh bolsyn! Ulystyń uly kúni qutty bolsyn!», delingen onda.
