«Naýryz.kz» komedııasynyń treıleri jarııalandy
ALMATY. QazAqparat - Ǵalamtorda «Naýryz.kz» komedııasynyń treıleri jarııalandy. Kınokartınanyń rejısseri Asqar Bısembın kórermenge «Svadba na troıh», «Adel», «Zamýj v 30» fılmderimen tanymal.
Kınotýyndy mahabbat pen meıirimge ǵana emes túrli qyzyqty oqıǵalarǵa toly. Ásirese, ǵajaıyp mıstıkalyq qural, Naýryzdyń sımvoly - altyn bilezik kıno keıipkerlerin neshe túrli shytyrman oqıǵalarǵa ákeledi.
Kartınanyń avtorlary Asqar Bısembın, Vasılıı Zemzıýlın, prodıýserleri Almas Sultanǵazın, Oleg Golovashkın.
Túsirilim jumystaryna Qazaqstan óńirleriniń júzdegen turǵyny qatysqan.
Basty rólderde - Berik Aıtjanov, Janar Dýgalova, Anatolıı Krenjenchýkov, Aldabek Shalbaev, Kental, Aıqyn, Janargúl Janyamanova, Saıat Merekeuly, Danagúl Temirsultanova, Danıl Volkovınskıı, Ekaterına Dzvonık, Jeńis Omarov, Shárip Serik, Eńlik Bilálova, Sattar Erýbaev oınaıdy.
«Meniń oıymsha, fılm jaqsylyqqa toly, qaı jaǵynan alsań da utymdy shyqqan. Onda jas ta bar, kári de bar. Qyzyqty ǵana emes muńǵa toly oqıǵalar jeterlik. Júrekti selt etkizetin tustary da az emes. Kópshilikke unaıdy degen senimdemiz», - dedi ol.
Kıno jalpy prokatqa 2017 jyldyń 16 mamyrynda shyǵady.
