Naýryz kójege qandaı jilik qosylady
Qytaıdaǵy qandastar arasynda naýryz kójege kári jilik qosý dástúri saqtalǵan. Bul týraly Shyńjań telearnasynda biraz jyldar jýrnalıst, rejısser bolyp qyzmet atqarǵan qazaq dástúrli mádenıeti týraly 40 bólimdi fılmniń avtory Qýanysh Іlııasuly aıtady.
«Naýryz» derekti fılmyn túsirý barsynda Qytaıdaǵy qandastardyń naýryz kójeni jasaý dástúrin kóne kóz qarııalardyń aıtýymen tolyq kórsettik. Bul kúni balalardan qarttarǵa deıin bir dastarqanda qatarlasa otyryp, «Jaqsy as qalǵansha, jaman qaryn jarylsyn» dep naýryz kójeden toıa ishedi. Shejire, qısa-dastan aıtyp, kóńil kóteredi. Aq saqaldy atalar men aq samaıly ájeler berekeniń sózin sóılep, joq-jitik, qıynshylǵy bar jandarǵa kómektesýge násıhattaıdy», deıdi ol.
Qarııalardyń aıtýyna qaraǵanda, naýryz kójege kári jilik qosý-kári jilik-el amandyǵy deıtin babalar yrymnan bolsa kerek. Sonymen birge kári jilik maldyń qol jilikteriniń ishindegi kádeli jilik. Joly bas pen jambastan keıin turady. Kári jilik usyný, kóp jasa, ǵumyr jasyń uzaq bolsyn, ata-baba arýaǵy qoldap, jaratqan jar bolsyn degen izgi tilekti bildiredi. Naýryz kójege qosylatyn dám sany jup bolmaı, taq bolǵany durys. Bul tatatyn dám-tuzymyz shekti bolmasyn, mol bolsyn degen atamyz qazaqtyń baıaǵydan kele jatqan aq tilegi.
