Naýryz qarsańynda ShQO Memlekettik sanıtarlyq epıdemıologııalyq baqylaý departamenti Ashyq esik kúnin ótkizdi
ÓSKEMEN. 20 naýryz. QazAqparat - Sanıtarlyq epıdemıologııalyq baqylaý qyzmetiniń jumysymen tanysý, zerthanalar boıynsha ekskýrsııalar, kásipkerlermen kezdesý jáne olardyń suraqtaryna jaýap berý - Óskemende ótken Shyǵys Qazaqstannyń Memlekettik sanıtarlyq-epıdemıologııalyq baqylaý departamentinde Ashyq esik kúniniń negizgi sátteriniń qysqasha mazmuny osyndaı.
Osy jyly jańartylǵan memlekettik sanıtarlyq-epıdemıologııalyq qyzmet 10 jyldyǵyn atap ótýde, mundaı Ashyq esik kúni barlyq elimiz boıynsha ótýde. QR shyǵysynda Ashyq esik kúni balalardy qorǵaý, bilim jáne ǵylym salasyndaǵy baqylaý, medıtsınalyq qyzmet kórsetý, kásipkerlik jáne ónerkásip departamentteriniń jáne veterınarlyq qyzmet basshylarynyń qatysýymen ótti. Bul kún joǵaryda atalǵan memlekettik vedomstvolardyń ózara is-qımyly týraly memorandýmǵa qol qoıýmen aıaqtaldy.
Kezdesýde sońǵy jyldary ulttyq QR Memlekettik sanıtarlyq-epıdemıologııalyq baqylaý qyzmeti júıelik reformalaýdan ótkeni atalyp ótti. Mysalǵa, Shyǵys Qazaqstanda departament negizinde 19 aýmaqtyq bólimshe quryldy.
«Búginde bizdiń úlken múmkinshilikterimiz bar, biz memlekettik qyzmet kórsetýdiń bıik dárejesine kóshtik. Qazaqstandaǵy baıyrǵy Shyǵys Qazaqstan sanıtarlyq-epıdemıologııalyq qyzmetine 64 jyl tolyp otyr. Ol jetildirilgen, qazirgi zamanǵa saı biregeı jabdyqtarmen jaraqtanǵan. Biz Óskemendegi sanıtarlyq-epıdemıologııalyq baqylaý qyzmetin qaıta qurdyq, qyzmettiń murajaıyn jasaı bastadyq. Sońǵy jyldary óte kóp nárseler jasaldy», - dep atap ótti Memlekettik sanıtarlyq-epıdemıologııalyq baqylaý departamentiniń basshysy Toqtasyn Erýbaev.
