Naýryz qarsańynda Almatyda birqatar kóshe jabylady
ALMATY. QazAqparat - Almatyda Naýryz meıramyn toılaý qarsańynda jergilikti polıtsııa qyzmeti adamdar kóp shoǵyrlanǵan jerlerde jol qozǵalysyn jabady, dep habarlaıdy QazAqparat tilshisi.
19-25 naýryz aralyǵynda Tóle bı kóshesiniń Nazarbaev dańǵyly men Abylaı han dańǵyly aralyǵy jabyq bolady.
19-25 naýryz aralyǵynda Panfılov kóshesiniń Bógenbaı kóshesinen Qazybek bı kóshesine deıingi aralyǵy soltústik baǵytta qozǵalatyn kólikter úshin jabyq bolady.
22 naýryzda Panfılov kóshesiniń Qabanbaı kóshesinen Jibek joly kóshesine deıingi aralyǵynda jol qozǵalysy toqtatylady.
Almaty polıtsııasy atalǵan ózgeristerge baılanysty júrgizýshilerge jol marshrýtyn aldyn ala josparlaýdy eskertedi.
Aıta ketý kerek, Almatyda Naýryz qarsańynda quqyq qorǵaý organdary kúsheıtilgen rejimge kóshedi.
