Naýryz - bútkil tirshiliktiń jańǵyratyn kezi - N. Gellert
ANA. 18 naýryz. QazAqparat /Qanat Mámetqazyuly/ - Naýryz - bul dúnıedegi bútkil tirshilik ataýlynyń jańǵyryp, jańaratyn kezi. Sondyqtan da, ony adamzat erekshe qulshynyspen qarsy alady.
Búgin QR Parlamenti Májilisiniń ǵımaratynda ótken Naýryz meıramynyń merekelik sharasy barysynda depýtat Natalıa Gellert osyndaı tilek aıtty.
«Rasynda da, men úshin Naýryz meıramynyń orny erekshe ári bul kúndi eń ulyq merekeniń birine sanaımyn. Óıtkeni, Naýryz kóktemniń, ıaǵnı tirshiliktiń belgisin bildiretin jańarý meıramy. Tabıǵat jandanyp, onymen qosa adamdarǵa da erekshe qulshynys keledi. Sondyqtan da, osy kúni aldaǵy keleshekten tek jaqsylyq tileıtin, aqtyń moldyǵan, densaýlyqtyń zorlyǵyn qalap, sony aýyzǵa alatyn ıgi dástúr yqylymnan jalǵasyp keledi. Bundaı Ulystyń uly kúninen, jer betindegi erekshe mereıli merekeden aıyrylyp qalmaı, qaıta kerisinshe qaýyshyp, ony mándi ete túsken táýelsiz Qazaqstannyń halqy baqytty. Bundaı baqyttan aıyrmasa eken. Aq mol bolsyn!», - dedi Natalıa Gellert.
