Naýryz búkil ultty biriktiretin uly meıram - aqyn Aqushtap Baqtygereeva
«Qurmetti qazaqstandyqtar! Búgin shyǵys halqynyń tól merekesi, jyldyń basy. Búgin batys ólkesinde Qazaqstannyń adamdar qystan aman shyqqanyn pash etip, bir-birimen qol ustasyp, sálemdesip, bir-biriniń betinen súıip, qushaqtasyp, bir-biriniń úıinen dám tatady. Ájelerimiz búgin eń jaqsy kıimderińdi kıińder, dastarhanǵa eń dámdi taǵamdardy qoıyńdar dep úıretken. Bul Ulystyń uly kúni dep atalǵan. Men bul kúnmen barsha halqymyzdy, barsha týystarymyzdy, bizdiń Qazaqstan dep atalatyn baıtaq eldiń turǵyndaryn shyn júrekten quttyqtaımyn. Jańa jyldyń basy qutty bolsyn, ata-babamyzdan kele jatqan Naýryz merekesi qaıta jańǵyryp óziniń baǵasyn aldy. Ol úlken merekege aınaldy, ulttyq merekege aınaldy. Bul bizdiń egemendik elimizdiń kórinisi jáne ulttyń baqyty, eldiń qýanyshy. Naýryz búkil ultty biriktiretin uly meıram!» delingen quttyqtaýda. «Meıramdaryńyz qutty bolsyn! Aspanymyz ashyq, keń dalamyzda árbir januıanyń basyna baqyt qonsyn, baýyrlaryńyz bútin, elimiz tynysh bolsyn, baqytty ómir súrip, jańa jyldan jańa jylǵa jete berińizder!», dep izgi tilekterin bildiredi qazaqtyń aqyn qyzy.
