Nauryz báıgesinde Qazaqstannyń úzdik akterleri men úzdik saýndtrek belgili boldy

ASTANA. QazAqparat – Otandyq serıal kontentine arnalǵan «Nauryz» ulttyq báıgesiniń jeńimpazdary – jyldyń úzdik akterleri men túsirilim mamandary marapattaldy, dep habarlaıdy QazAqparat.

Buǵan deıin «Úzdik tarıhı serıal», «Úzdik dramalyq serıal», «Úzdik komedııalyq serıal», «Úzdik veb-serıal» nomınatsııalarynyń jeńimpazdary jarııalanǵan edi.

«Nauryz» ulttyq báıgesi Aqparat jáne qoǵamdyq damý mınıstrliginiń qoldaýymen alǵash ret ótýde.

Báıgege 2021 jylǵy 1 qańtar – 2022 jylǵy 31 jeltoqsan aralyǵynda qazaqstandyq telearnalardyń efırine, YouTube arnasynda shyqqan serıaldar men shyǵarmashylyq toptar 13 nomınatsııa boıynsha qatysyp jatyr.

Jeńimpazdarǵa NAURYZ arnaıy músinshesimen birge 1 mıllıon teńge kóleminde syıaqy tabystaldy.

Osylaısha, «Úzdik akter» júldesi «Serjan Bratan» serıalynyń bas keıipkeri Dýlyǵa Aqmoldaǵa berildi. Bul atalymda Aıan Ótepbergen («Aqjaýyn»), Ábýnasyr Serikov («103»), Berik Aıtjanov («Angel-hranıtel») esimderi bar edi.

«Úzdik aktrısa» júldesin «Nıanıa» serıalynyń bas keıipkerin somdaǵan Janel Serǵazına jeńip aldy. Bul tizimde Aqbota-Nur Seıtmaǵambet («Baqyttyń kilti»), Anna Orazbaeva («Qanysh. Qazyna»), Darıǵa Badyqova («Kelinjan») bolǵan edi.

«Ekinshi plandaǵy úzdik akter» marapatyn «Kelinjan» serıalyndaǵy róli úshin Rústem Janyamanov aldy. Bul saıysqa Ádiljan Shombalov («Patrýl»), Ǵanı Quljanov («Aqjaýyn»), Nartaı Saýdanbekuly («Ahmet. Ult ustazy») túsken edi.

«Ekinshi plandaǵy úzdik aktrısa» júldesin «Aq pen qara» serıalyna túsken Kamalııa Baıtileýova jeńip aldy. K. Baıtileýova Áıgerim Jańylbaeva («Medeýde kezdeseıik»), Zarına Karmen («Mirjaqyp. Oıan, Qazaq!»), Raıhan Aıtqojanova («Qımyldaǵan qyr asar») arasynan úzdik atandy.

«Úzdik rejısser» nomınatsııasynda Ernar Nurǵalıev («Kelinjan»), Erlan Nurmuhambetov («Qanysh. Qazyna»), Qanaǵat Mustafın («Taǵdyr tasy»), Murat Esjan («Mirjaqyp. Oıan, qazaq!», «Ahmet.Ult ustazy») saıysqa tústi.

Qazylardyń sheshimimen «Qanysh. Qazyna» serıalyn túsirgen Erlan Nurmuhambetov jeńimpaz atandy.

«Úzdik stsenarıst» júldesin «Mystan» serıalynyń stsenarııi úshin Bekzat Myrzahmetova jeńip aldy. Short-tizimge Ámir Ámenov («Qanysh. Qazyna»), Gúlnur Mamasarıpova («Kelinjan»), Maııa Iskakova («Nıanıa») engen bolatyn.

«Úzdik qoıýshy-operator» atalymynda Asqar Serikqazın («Áke men áke»), Ernur Rysbaev («Aq pen qara»), Qazbek Ámirjanov («Jýsan ıisi») arasynan Baǵdat Arǵynov jeńimpaz atandy.

Ol tanymal «SHEKER», «Serjan Bratan», «5:32» serıaldarynda jumys istegen.

«Úzdik montaj» marapaty «Habar» telearnasyndaǵy «Aq pen qara» serıalyndaǵy jumysy úshin Raqymjan ıAhıarovqa berildi.

Bul júldege Aqan Musaqulov («Jenatıkı»), Baýyrjan Nurkeev («Qanysh. Qazyna»), Tórebek Beısebaev («Aqjaýyn») talasqan edi.

Eń sońǵy «Úzdik saýndtrek» marapaty «Sheker» veb-serıalyna jazylǵan «Sheker» áni úshin Darhan Júnisbekovke (Darkhan Juzz) berildi.

Darhan Júnisbekov osydan birer aı buryn Taılandta jol apatynan qaza tapqan edi.

Belgili kompozıtor Rınat Gaısın júldeni D. Júnisbekovtyń balalaryna tabystady.

Sonymen birge, kesh sońynda «Patrýl» serıalyna «Shetelge kóp satylǵan úzdik kommertsııalyq serıal» marapaty qosymsha tabystaldy.

Júldeni BasProduction uıymynyń prodıýseri Aqylbek Dosjan aldy.

Táýelsiz Qazaqstannyń alǵashqy serıaldarynyń biri «Toǵysqan taǵdyrlar» (Perekrestok) týyndysyna «Nauryz» arnaıy júldesi berildi. Marapatty serıaldyń keıipkerlerin somdaǵan Baqytjan Álpeıisov pen Venera Nyǵmatýllına aldy.