Naýryz aıynyń sońyna deıin elimizdegi UOS ardagerleri baspanaly bolady - QR DSÁDM

ASTANA. QazAqparat - 20 naýryzǵa deıin UOS ardagerleri turǵyn úımen qamtylady. Bul týraly QR Densaýlyq saqtaý jáne áleýmettik damý vıtse-mınıstri Svetlana Jaqypova «Nur Otan» partııasyndaǵy selektorlyq jıynda málim etti.

«Buryn turǵyn úı kezeginde 200 ardager bolsa, qazir 107 ǵana. Máselen, Astana boıynsha 5 adam, OQO-da kezekte 25 ardager, Almaty oblysynda - 26 ardager kezekte tur», - dedi ol.

Onyń sózine qaraǵanda, Elbasy Nursultan Nazarbaevtyń tapsyrmasyna sáıkes 20 naýryzda barlyq ardagerler baspanamen qamtylýy tıis. Vıtse-mınıstr Jeńistiń 70 jyldyǵyn atap ótýge baılanysty respýblıkalyq bıýdjetten soǵys múgedekteri men ardagerlerdi qoldaý úshin 5,7 mlrd teńgeden astam qarajat bólingenin eske saldy.