Naýryz aıynyń basynda otandyq teledıdardan «Comedy Slub KZ» ázil-ospaq jobasy shyǵatyn bolady

Jańa ázil-ospaq shoýdyń bastalýy jaıynda búgin Almatyda ótken arnaıy baspasóz máslıhatynda habarlandy. Jobanyń prodıýsseri Evgenıı Jaǵaltaevtiń aıtýynsha, qazaqstandyq shoý ulttyq ázil men qazaqstandyq telekórermender talǵamynyń erekshelikterin eskere otyryp, reseılik shoýdyń úlgisi men stılıstıkasy negizinde jasalynatyn bolady. «Sabaqtastyq bir ǵana format aıasynda shektelinbeıdi. Máskeýden Almatyǵa shoýdyń dekoratsııalary ákelinedi. Reseılik shoýdyń qatysýshylary men tanymal rezıdentteri de shaqyrylatyn bolady. Ár shoýdyń shyǵarylymyna 13-15 qazaqstandyq ártistermen qatar, eki-úsh reseılik qonaqtar qatysatyn bolady. Jobanyń túsirilimi 22 aqpan kúni bastalady», -dedi ol.

Onyń aıtýynsha qazirgi ýaqytta qatysýshylar qatań irikteýden ótken. «Eki aıǵa sozylǵan kastıngte Qazaqstannyń barlyq aımaqtarynan kelgen myńǵa jýyq qatysýshylar baqtaryn synady. Nátıjesinde prodıýserler 13 akterdi iriktep aldy. Degenmen, talantty akterlerdi izdeý toqtatylmaıdy, sondyqtan «Comedy Club KZ» rezıdentteriniń sany ósýi múmkin. Ol telekórermender úshin úlken utys», - dep atap ótti Evgenıı Jaǵaltaev baspasóz máslıhatynda.

E.Jaǵaltaevtyń pikirinshe bul joba qazaqstandyq telekórermenderge kóterińki kóńil-kúı syılaıtyn baǵdarlama bolmaq.