Naýryz aıynda Ulttyq banktiń halyqaralyq rezervteri 1,5 paıyzǵa tómendedi - Grıgorıı Marchenko
/strong>Sáýirdiń 7-ci. QazAqparat /Erlik Erjanuly/ - Naýryzda eldiń halyqaralyq rezervteri Ulttyq qordyń shetel valıýtasyndaǵy aktıvterin qosa alǵanda 0,4 paıyzǵa tómendedi.
Ol jaıly Ulttyq bank tóraǵasy búgin Almatyda ótkizgen baspasóz máslıhatynda aıtty, dep habarlaıdy QazAqparat.
Ótken aıda taza valıýtalyq qorlar 2,1 paıyzǵa kemip, altyndaǵy aktıvter 4,1 paıyzǵa ósti. Grıgorıı Marchenkonyń aıtýynsha, aqsha bazasy Ulttyq banktiń taza ishki aktıvteriniń ósýi saldarynan 3,1 paıyzǵa keńeıip, 2736,3 mıllıard teńgeni qurady. Tar aqsha bazasy, ıaǵnı ekinshi deńgeıli bankterdiń Ulttyq banktegi merzimdi depozıtterin eseptemegendegi aqsha bazasy 0,7 paıyzǵa taryldy. Al aqpanda aqsha massasy bank júıesiniń taza syrtqy aktıvteriniń ósýi esebinen 2,1 paıyzǵa ósti. Sondaı-aq aınalystaǵy qolma-qol aqshanyń kólemi - 0,9 paıyzǵa, bank júıesindegi depozıtter 2,2 paıyzǵa artqan bolatyn.
