Naýryz aıynda turǵyn úı naryǵynda baǵalar birshama ózgerdi
ASTANA. QazAqparat - 2015 jylǵy naýryzda ótken aımen salystyrǵanda jańa turǵyn úılerdi satý baǵalary 0,8 paıyzǵa, abattandyrylǵan turǵyn úıdi jalǵa alý tólemi - 0,2 paıyzǵa ósti. Bul týraly Ulttyq ekonomıka mınıstrligi Statıstıka komıtetiniń baspasóz qyzmetinen habarlandy.
Esepti kezeńde abattandyrylmaǵan turǵyn úılerdi alyp satý baǵalary - 0,7 paıyzǵa, abattandyrylǵan turǵyn úılerdi satý baǵasy 0,5 paıyzǵa tómendegen.
Atap aıtqanda, naýryz aıynda jańa turǵyn úılerdi satýdyń ortasha baǵasy sharshy metrine 225 myń 441 teńgeni qurady. Al abattandyrylǵan turǵyn úılerdi satý 174 184 teńge, odan tómengi sanattaǵy úıler baǵasy 101 086 teńgeni quraǵan.
«Budan bólek, Statıstıka komıtetiniń málimetterine qaraǵanda, 2015 jylǵy birinshi toqsanda óndiristik jaılardy jalǵa berý baǵasy 1,2 paıyzǵa, ákimshilik keńsege arnalǵan nysandardy jalǵa berý baǵasy 1,1%-ǵa ósken. Bank fılıaldaryna arnalǵan oryn-jaılardy jalǵa berý baǵasy 3,1%, fıtnes klýbtar men jattyǵý zaldaryn - 2,5%, ónerkásiptik bazalardy - 1,7%, parkıngterdi - 1,3% kóterildi. Al kólik jýý jaılaryn jalǵa berý 0,6%, dúńgirshekterdi - 0,1%-ǵa arzandady», - delingen baspasóz baıanynda.
