Naýryz aıynda qazaqstandyqtar qansha kún demalady

NUR-SULTAN. QazAqparat – Bıyl qazaqstandyqtar Naýryz meıramyna oraı 5 kún demalady, dep habarlaıdy «QazAqparat» HAA tilshisi.

Qalyptasqan dástúrge sáıkes, qazaqstandyqtar jyl saıyn Naýryz meıramynda úsh kún - 21-23 kúnderi demalady.

Degenmen, bıyl memlekettik mereke sanalatyn 21 naýryz jeksenbige dál kelip otyr. Al «Qazaqstan Respýblıkasyndaǵy merekeler týraly» Zańǵa sáıkes, demalys jáne mereke kúnderi sáıkes kelgen jaǵdaıda merekeden keıingi jumys kúni demalys bolyp esepteledi. Demek, qazaqstandyqtar 20 naýryz ben 24 naýryz aralyǵynda 5 kún demalady.

Sonymen qatar naýryz aıynda taǵy bir memlekettik mereke bar. Ol 8 naýryz - Halyqaralyq áıelder kúni. Mereke dúısenbige týra keledi, sáıkesinshe qazaqstandyqtar senbi, jeksenbi jáne dúısenbide demalady.

Jalpy, naýryz aıynda qazaqstandyqtar 12 kún demalyp, 19 kún jumys isteıdi.