Naýryz aıynda qazaqstandyq Premer-Lıgadaǵy úzdik fýtbolshynyń esimi ataldy
ASTANA. QazAqparat - «Asananyń kolýmbııalyq jartylaı qorǵaýshysy Roher Kanıas jattyǵýshylar men fýtbolshylardyń pikirinshe, qazaqstandyq Premer-Lıgadaǵy úzdik oıynsha atandy, dep jazady Sports.kz.
Otyz úshinshi saýaldamaǵa Premer-Lıga klýbtarynyń barlyq bas jattyqtyrýshylary jáne 12 fýtbolshy qatysty.
Árbir respondent onyń pikirinshe, Qazaqstan chempıonattaryna qatysýshylar arasynan úsh fýtbolshynyń esimin atady. Birinshi oryn úshin fýtbolshy úsh upaı, ekinshi orynǵa - eki, úshinshi orynǵa - bir upaı berildi. Saýalnamada barlyǵy 23 fýtbolshynyń esimderi kórsetildi.
Sonymen mart aıyndaǵy jeńimpaz «Astananyń» kolýmbııalyq jartylaı qorǵaýshysy Roher Kanıas bolyp shyqty. Ol budan buryn 2014 jylǵy qazanda ótkizilgen saýaldamada da úzdikter qatarynan kóringen bolatyn. Roher men onyń komandasy bıylǵy maýsymdy chempıonǵa tán shalymdylyqpen bastady: tórt týrda 10 upaı jınady, al Kanıanstyń ózi bolsa, úsh dop soqty. Roher Kanıanstyń jınaǵan upaıy 26.
Ekinshi orynda «Qaırattyń ıvýarııalyq shabýylshysy 29 jastaǵy Jerar Goý ataldy. Alǵashqy matchta-aq «Tobylǵa» qarsy oıynda ol het-rıkti rásimdep, tórt týrdan keıin tórt dop soǵyp, chempıonattyń úzdik shabýylshysy atandy. Qazaqstandyq chemptıonatta Goý 16 matchqa qatysyp, 16 gol soqty. Ol 19 upaı jınady.
Úshindi oryn «Atyraýdyń» 30 jastaǵy jartylaı qorǵaýshysy Maqsat Baıjanovta. Qyzylorda fýtbolynyń tárbılenýshisi tórt týrda úsh gol saldy, sóıtip, Premer-Lıgada soǵylǵan 30 dop mejesinen asyp tústi. Maqsat Baıdanovtyń oıyny eskerýsiz qalǵan joq, ol barlyǵy 17 uraı jınady.
