Naýryz aıynda Qazaqstandaǵy ınflıatsııa 0,3 paıyzdy qurady

QR Statıstıka agenttiginiń málimetinshe, baǵa azyq-túlik taýarlaryna ótken aıda 0,5 paıyzǵa, azyq-túlik emes taýarlaryna jáne aqyly qyzmetterge  0,2 paıyzǵa ósti.

 Ótken aıda baǵanyń joǵarylaýy qantqa 5,1 paıyzdy, et jáne qus etine - 1,4 paıyzdy, jańa jınalǵan jemisterge - 0,9 paıyz, jumyrtqaǵa - 0,8 paıyzdy, kondıterlik ónimderge - 0,5 paıyz, balyq jáne teńiz ónimderine - 0,4 paıyz, toqash jáne unnan daıyndalatyn kondıterlik ónimderge - 0,3 paıyzǵa tirkeldi. Baǵanyń tómendeýi jarmalarǵa 4 paıyz deńgeıinde, kartopqa - 2,4 paıyz, kúnbaǵys maıyna - 1,3 paıyz, unǵa - 0,5 paıyz, jańa jınalǵan kókónisterge - 0,2 paıyzǵa belgilendi.

Baǵa ósimi shyny jáne qysh buıymdaryna 0,7 paıyz, jýǵysh jáne tazalaǵysh quraldaryna, jeke kútimge arnalǵan taýarlarǵa - 0,4 paıyz, farmatsevtıkalyq ónimderge, kıim jáne aıaq kıimge  0,3 paıyzdy qurady. Baǵa benzın jáne dızel otynyna 0,2 paıyzǵa tómendedi.

 Turǵyn úı kommýnaldyq qyzmetter salasynda tólem 0,2 paıyzǵa ósti.