Naýryz aıynda Qazaqstan eńbekshileriniń forýmy ótedi
ASTANA. 17 aqpan. QazAqparat /Marlan Jıembaı/ - 17 naýryzda Qazaqstan eńbekshileriniń forýmy ótedi. Bul týraly búgin elordada ótken baspasóz máslıhatynda QR Kásipodaqtar federatsııasynyń tóraǵasy Sııazbek Muqashev aıtty.
Onyń atap ótýinshe, qazirgi ýaqytta elimizdiń Kásipodaq federatsııasyn ózin-ózi eńbekpen qamtamasyz etip otyrǵan 2,5 mıllıonǵa jýyq azamattarymyzdyń eshqandaı áleýmettik máselelerge qatysa almaýy tolǵandyrýda. Degenmen, memleketimizdiń eńbekpen qamtý jańa baǵdarlamasyn ázirlep, 1,5 mılıon adamǵa jumys orynyn taýyp berýge qulshynysy qýantady. Ol úshin Úkimet baǵdarlamany júzege asyrýdyń tetikterin aıqyndap, naqty qarajatyn da bólgeli otyr.
Óz sózinde elimizdiń kásipodaqtary atalǵan sharalarǵa tikeleı qatysýy kerektigin basa aıtqan S.Muqashev: «Bul bizdiń aýyldaǵy azamattarymyzǵa, ásirese jastarymyzǵa úlken kómek beredi. Oǵan bizdiń de qatysýymyz ári óz baǵdarlamamyzda solaı jazýymyz qajet. Sondyqtan 17 naýryzda Qazaqstan eńbekshileriniń forýmyn ótkizeıik dep otyrmyz», - dedi.
