Naýryz aıynda ınflıatsııa 0,5% boldy

NUR-SULTAN. QazAqparat - 2019 jylǵy naýryzda ınflıatsııa 0,5% (2018 jylǵy naýryzda - 0,5%) boldy, dep habarlaıdy QazAqparat Ulttyq ekonomıka mınıstrligi statıstıka komıtetine silteme jasap.

«Jyl basynan beri ınflıatsııa 1,3% (2018 jylǵy qańtar-naýryzda - 1,8%) qurady. Azyq-túlik taýarlarynyń baǵasy 3,8%-ǵa, azyq-túlikke jatpaıtyn taýarlar - 0,9%-ǵa ósti. Aqyly qyzmet kórsetý baǵasy 1,4%-ǵa tómendedi» delingen habarlamada.

Jyldyq ınflıatsııa 4,8% deńgeıinde qalyptasty jáne 4-6% nysanaly dáliziniń ishinde tur. Inflıatsııanyń qurylymynda jyldyq kórsetkish boıynsha azyq-túlik taýarlarynyń baǵasy 6,7%-ǵa, azyq-túlikke jatpaıtyn taýarlar 6,0%-ǵa ósti. Aqyly qyzmet kórsetý baǵasynyń jyldyq ósý qarqyny 1,2%-ǵa deıin baıaýlady.

Jalpy, naýryzda halyqtyń ınflıatsııalyq boljamy naqty ınflıatsııanyń baıaýlaýy aıasynda tómendedi.