Naýryz aıynda halyqtyń ortasha jan basyna shaqqandaǵy ataýly aqshalaı tabystary 44 973 teńgeni qurady

dep habarlady QR Statıstıka agenttiginiń baspasóz qyzmetinen.

«2011 jylǵy naýryzda halyqtyń ortasha jan basyna shaqqandaǵy ataýly aqshalaı tabystary, aldyn ala berilgen derekter boıynsha, 44973 teńgeni qurap, 2010 jylǵy tıisti kezeńmen salystyrǵanda 21,1 paıyzǵa artty. Naqty aqshalaı tabystary 11,5 paıyzǵa ósti», - delingen baspasóz habarlamasynda.

2011 jylǵy naýryzda ortasha jan basyna shaqqandaǵy aqshalaı tabystardyń kólemi boıynsha Atyraý, Mańǵystaý oblystary jáne Almaty qalasy aldyńǵy qatarda boldy. Olardyń kórsetkishi ortasha respýblıkalyq deńgeıdi 2,4-1,9 esege arttyrdy.

2011 jylǵy naýryzda tabystary eń tómen óńirler qataryna Ońtústik Qazaqstan, Almaty jáne Jambyl oblystary kirdi. Atalǵan óńirlerde halyqtyń tabys mólsheri respýblıkalyq deńgeıden ortasha alǵanda 59,3 jáne 69,0 paıyzdy qurady. Sonymen birge, halyqtyń naqty aqshalaı tabystarynyń eń kóp ósý qarqyny Qostanaı jáne Soltústik Qazaqstan oblystarynda boldy.

2011 jylǵy naýryzda óńirler boıynsha ataýly aqshalaı tabystardyń eń joǵary jáne eń tómen mólsherleri arasyndaǵy araqatynas 4,1 eseni qurady (2010 jylǵy naýryzda - 4,0 ese).