Naýryz aıynda elimizdegi ınflıatsııa deńgeıi 0,7 paıyzdy qurady
ASTANA. Sáýirdiń 2-si. QazAqparat /Qanat Mámetqazyuly/ - Aǵymdaǵy jyldyń naýryz aıynda elimizdegi ınflıatsııa deńgeıi 0,7 paıyzdy qurady. Bul rette baǵa azyq-túlik taýarlaryna ótken aıda 1,2 paıyz, azyq-túlik emes taýarlarǵa - 0,4 paıyz, aqyly qyzmet kórsetýlerge - 0,2 paıyzǵa ósti,
dep habarlaıdy QazAqparat.
Statıstıka agenttiginiń málimetterine qaraǵanda, naýryz aıynda azyq-túlik taýarlary rynogynda baǵanyń ósýi jemis pen kókóniske 4,8 paıyzdy, qantqa - 3,6 paıyzdy, et ónimderine - 1,3 paıyzdy, balyq jáne teńiz ónimderine - 1,2 paıyzdy, kofe, shaı jáne kakaoǵa - 1 paıyzdy, sút ónimderine, maı jáne mal maıyna - 0,7 paıyzdy quraǵan. Al baǵanyń tómendeýi nanǵa 0,5 paıyz, jarmaǵa - 0,7 paıyz, kúrishke 1,2 paıyz, unǵa - 2,1 paıyz deńgeıinde tirkelgen.
Sonymen birge, baǵa deńgeıi farmatsevtıkalyq ónimderge, kitap jáne gazetterge 0,9 paıyz, jeke gıgıena taýarlaryna, kıim men aıaq kıimge - 0,5 paıyz, úı turmysyna qajetti zattarǵa - 0,4 paıyz, jýý jáne tazalaý quraldaryna - 0,2 paıyz ósken. Dızel otynynyń baǵasy 1,2 paıyzǵa, tsement - 0,5 paıyzǵa tómendegen.
Turǵyn úı kommýnaldyq qyzmet kórsetýler salasynda tarıfter sýyq sýǵa, kárizge 1,1 paıyzdan, elektr energııasyna - 0,8 paıyzǵa artty. Mádenıet qyzmeti 0,5 paıyz, jeke qyzmet kórsetý, meıramhanalar men qonaq úılerge - 0,7 paıyzǵa qymbattasa, kólik qyzmetterine 1,2 paıyzǵa arzandaǵan.
