Naýryz aıynda elimizdegi ınflıatsııa 0,2 paıyzdy qurady

Statıstıka agenttiginiń málimetterine qaraǵanda, ótken aıda baǵa azyq-túlik jáne azyq-túlik emes taýarlaryna 0,2 paıyzǵa ósti. Aqyly qyzmetterdiń baǵa ındeksi 100 paıyzdy qurady.

Budan bólek, ótken aıda baǵa ósimi arpa jarmaǵa 2,3 paıyz, untaqqa - 2,1, makaron ónimderine, jumyrtqaǵa - 0,6, balyq jáne teńiz ónimderine, jemister jáne kókónisterge - 0,5, kúrish, qyshqyl sút ónimderine, pasterlengen sútke, shaıǵa - 0,4, toqash jáne unnan daıyndalatyn kondıter ónimderine 0,3 paıyz óskendigi belgilendi. Kerisinshe, baǵanyń tómendeýi qaraqumyq jarmaǵa - 1, kúnbaǵys maıyna 0,2 paıyz bolǵan.

Sonymen qatar, baǵalar turmystyq toqyma buıymdarǵa - 0,4, farmatsevtıkalyq ónimderge, jýǵysh jáne tazalaǵysh quraldarǵa - 0,3, kıim jáne aıaq kıimge, jeke kútimge arnalǵan taýarlarǵa - 0,2 paıyzǵa ósip, dızeldik otyn 6,3 paıyzǵa qymbattaǵan.

Baǵa deńgeıi densaýlyq saqtaý qyzmetterine 2,3, shashtarazdar men jeke qyzmet kórsetý oryndarynyń qyzmetterine - 1,1, mektepke deıingi bilim berý qyzmetterine 0,4 paıyzǵa joǵarylasa, alys qashyqtyqqa qatynaıtyn jolaýshylardyń temir jol kólik qyzmetterine - 1,2, telefon men faksımıldik baılanys qyzmetterine - 7,8 paıyzǵa tómendegen. Turǵyn úı-kommýnaldy qyzmetter salasynda tarıfter qoqys shyǵarýǵa - 7,6, kárizge - 7,2, sýyq sýǵa - 5,7, turǵyn úıdi kútip ustaýǵa - 1,6 paıyzǵa ósip, ystyq sýǵa, ortalyq jylytýǵa 0,3 paıyz tómendedi.