Naýryz aıynda el aýmaǵynda qandaı mádenı is-sharalar uıymdastyrylady
Osy oraıda naýryz aıy qazaqtyń ulttyq mádenıeti men dástúriniń aıy retinde belgilenip otyr.
«Kez kelgen halyq úshin Táýelsizdik kúniniń orny bólek. Bıyl 2021 jyly elimiz Táýelsizdiktiń 30 jyldyǵyn atap ótip jatyr. Osynaý ulyq merekege arnalǵan respýblıkalyq is-sharalar jospary bekitildi. Sonymen qatar Mádenıet jáne sport mınıstrligi túrli 500-ge jýyq is-sharadan turatyn qosymsha jospar ázirledi. Bul qatarda teatrlandyrylǵan qaıylym, festıval, kórme, lektsııa, ǵylymı konferentsııa, sheberlik sabaǵy, arnaıy onlaın platforma, chellendj, aktsııa, flesh-mob syndy kóptegen is-shara bar», - delingen vedomstvo málimetinde.
Atalǵan is-sharalar ulttyq mádenıetti ilgeriletýge, salt-dástúrlerdi jandandyrýǵa, salaýatty ómir saltyn nasıhattaýǵa, buqaralyq sportty, sonyń ishinde ulttyq sport túrlerin damytýǵa baǵyttalǵan.
Jalpyrespýblıkalyq sport boıynsha naýryz «Qazaqtyń ulttyq mádenıeti men dástúr» aıy retinde belgilendi. Osy aıda mereıtoıdyń mazmunyn baıytýǵa arnalǵan mádenı is-sharalar ótedi. Jalpy alǵanda naýryz aıynda birneshe ataýly mereke qatar tur. Máselen, aıdyń alǵashqy kúni -Alǵys aıtý kúni, 8 naýryz – Halyqaralyq áıelder men qyz-kelinshekter merekesi, 22 naýryz – túrki halyqtarynyń Jańa jyly. ıAǵnı, túrli is-sharalar naýryzdyń alǵashqy kúninen bastap, sońynan deıin jalǵasady.
1 naýryzda el boıynsha 250-ge jýyq arnaıy joba ótedi. Onyń 60-tan astamy respýblıkalyq uıymdar enshisinde.
Mysaly, «Astana balet» memlekettik opera jáne balet teatry dárigerlerdi «Taıny zakýlısıa» jobasyna shaqyrsa, «Qazaqkontsert» ujymy muǵalimder men dárigerlerge «Meıirimdi bolaıyqshy, baýyrlar!» kontsertin, Ǵabıt Músirepov atyndaǵy Qazaq Memlekettik Akademııalyq balalar men jasóspirimder teatry muǵalimderdi «Muǵalim» qoıylymyn, Q.Qýanyshbaev atyndaǵy memlekettik akademııalyq qazaq mýzykalyq drama teatry dárigerler, muǵalimder men ekologtarǵa arnalǵan mýzykalyq kesh usynady.
Osy rette túrli etnos ókilderiniń qatysýymen «Alǵys aıtý – paryzym» atty chellendj ben «S blagodarnostıý medrabotnıkam ı ýchıtelıam!» aktsııasy bastalǵaly tur.
Sonymen qatar «Syrly saz – Otanǵa» atty respýblıkalyq óner kerýeni, M.ıÝ. Lermontov atyndaǵy memlekettik akademııalyq orys drama teatry «Vernaıa jena» spektakli, QR Ulttyq kitaphanasy № 1 balalar úıin qoldaý maqsatynda «Aıaly alaqan» qaıyrymdylyq aktsııasy, «Bozoq» memlekettik tarıhı-mádenı mýzeı-qoryǵy Qazaqstan halqy Assambleıasy ókilderiniń qatysýymen «Otanym bolǵan qazaq jerine alǵys aıtamyn!» dóńgelek ústeli ótedi.
Halyqaralyq áıelder kúnine oraı birqatar qaıyrymdylyq kontsert ótedi. Olar: «Táýelsizdik qurdastary», «Aqbilek» qoıylymynyń premerasy, «Beıneleý óneri shyǵarmalarynda áıel obrazy» kórmesi, Sh.Aımanov atyndaǵy «Qazaqfılm» qoryndaǵy ulttyq fılmder kórsetilimi, «Ádebıettegi áıel jazýshylar» dóńgelek ústeli otyrysy, sondaı-aq tetrlardaǵy túrldi qoıylymdar.
14 mamyr «Kórisý kúni» qarsańynda Q.Qýanyshbaev atyndaǵy memlekettik akademııalyq qazaq mýzyka drama teatry ujym ardagerlerimen kezdesý, «Bozoq» memlekettik tarıhı-mádenı mýzeı-qoryǵy «Amal-kórisý merekesi Qazaqstannyń ejelgi geografııasy men qazirgi mádenıeti aıasynda» atty dáris, M.Áýezov atyndaǵy Qazaq Ulttyq drama teatry «Júz jyldyq mahabbat», «Oń qol» dramasynyń kórsetilimin, Ǵazıza Jubanova atyndaǵy Aqtóbe oblysynyń fılarmonııasy «Kóriseıik aǵaıyn!» kontsertin, Asqar Toqpanov atyndaǵy Jambyl oblysynyń qazaq drama teatry «Kórisý dástúri» spektaklin uıymdastyrady.
Kúlli túrki halqy úshin jańarýdyń sımvolyna aınalǵan Naýryz merekesi qarsańynda 21 men 23 naýryz aralyǵynda elimizde 500-deı is-shara ótedi. Bul jıyndar ulttyq salt-dástúrlerdi jańǵyrtýǵa, ekologııa mádenıetin qalyptastyrýǵa, halyq arasyndaǵy dostyq baılanysty nyǵaıtýǵa oń yqpal etedi. Osy is-sharanyń bári «Áz Naýryz – ulttyq sananyń, ulttyq birliktiń jarqyn kórinisi»,-degen uranmen ótedi.
Mysaly, ulttyq taǵam túrleriniń jármeńkesi, ólketaný ekskýrsııa, kontsert, etnokórme, teatrlandyrylǵan qoıylymdar qamtylmaq.
Bul is-shalar jaıynda Mádenıet jáne sport mınıstrligi saıtynda tolyǵyraq tanysýǵa bolady.
