Naýryz aıynda Beıjińde qytaılyq parlamenttiń sessııasynda QHR-nyń jańa basshylyǵy saılanady
BEIJІŃ. 2 aqpan. QazAqparat - Búkilqytaılyq halyq ókilderi jınalysynyń 12-shi shaqyrylymynyń birinshi sessııasy 5 naýryz kúni Beıjińde ashylady, dep habarlaıdy qytaılyq parlamenttiń baspasóz qyzmetinen.
Kútilip otyrǵandaı, eki aptaǵa sozylatyn aldaǵy sessııada QHR tóraǵasy men onyń orynbasary saılanady, QHR Memlekettik keńesi premeri men Qytaı ortalyq úkimetiniń jańa quramy bekitiledi. Sondaı-aq QHR Ortalyq áskerı keńesiniń tóraǵasy, Joǵarǵy halyq sotynyń tóraǵasy jáne Joǵarǵy halyq prokýratýrasynyń bas prokýrory saılanady.
