Naýryz aıynda azyq-túlik taýarlarynyń baǵasy byltyrǵy jylǵy kezeńmen salystyrǵanda 5,4 paıyzǵa ósti

dep habarlaıdy QazAqparat.

Statıstıka agenttiginiń málimetterine súıensek, 2010 jylǵy naýryzda 2009 jylǵy tıisti aımen salystyrǵanda baǵa qantqa 41 paıyz, kofe, shaı jáne kakaoǵa - 14,7 paıyz, kondıterlik ónimderge - 8,1 paıyz, toqash pen un ónimderine - 7 paıyz, alkogoldi ishimdikterge - 6,1 paıyz, sút ónimderine - 5,3 paıyz, maı jáne toń maıǵa - 2,4 paıyz, makaron ónimderine - 0,7 paıyz ósken. Al kerisinshe baǵanyń tómendeýi unǵa 17,4 paıyzdy, jarmaǵa - 6,4 paıyzdy, nanǵa - 3,8 paıyzdy, jemister men kókónisterge - 1,8 paıyzdy quraǵan.

Sondaı-aq, esepti kezeńde et jáne et ónimderi baǵasynyń ósimi 9 paıyzǵa baıqalǵan. Bul rette shoshqa etine baǵa deńgeıi 12,7 paıyz, qus etine - 9,3 paıyz, shujyq ónimderine - 7,3 paıyz, qoı etine - 5,2 paıyz, jylqy etine - 3,4 paıyz joǵarylaǵany tirkelip otyr.