Naýryz aıynda Atyraýda áıelderge arnalǵan jańa túrme ashylady
ASTANA. Qańtardyń 15-i. QazAqparat /Jasulan Amanbaıuly/ - 2010 jyldyń naýryz aıynda Atyraýda áıelderge arnalǵan jańa túrme ashylmaq.
Bul týraly búgin Ádilet mınıstrligi Qylmystyq atqarý komıtetiniń qoǵamdyq baqylaý komıssııasynyń otyrysy barysynda komıtet tóraǵasy Meıram Aıýbaev málim etti, dep habarlaıdy QazAqparat.
Túrme qurylysy tolyǵymen aıaqtaldy. M. Aıýbaevtiń aıtýynsha, qabyldaý komıssııasy jańadan salynǵan mekemeniń qurylys sapasyna tekseris júrgizip boldy. Komıssııa paıdalanýǵa berý jáne onyń jaramdylyǵy jóninde óziniń oń sheshimin berdi.
«Qazirgi ýaqytta tıisti shtat quramy jasaqtalýda. Áıelderge arnalǵan túrme shamamen naýryz aıynda ashylady», dep atap kórsetti ol.
