Naýryz aıynan bastap muzda balyq aýlaýdy toqtatý kerek - TJD
NUR-SULTAN. QazAqparat - Naýryz aıynan bastap muzda balyq aýlaýdy jáne syrǵanaýdy toqtatý kerek. Bul týraly «Kóktem-2020» respýblıkalyq komandalyq-shtabtyq oqý-jattyǵýy barysynda Nur-Sultan qalasyndaǵy TJD bastyǵy Baýyrjan Syzdyqov aıtty, dep habarlaıdy QazAqparat tilshisi.
«Nur-Sultan qalasyna sý Esil ózeninen, «Astana sý arnasynan» keledi. Qazirgi ýaqytta «Astana sý arnasynyń» 170 mln tekshe metr sý qabyldaıtyn qaýqary bar. Elordany sý basýdan qorǵaıtyn baqylaý-retteýshiniń sý qabyldaý qaýqary - joba boıynsha 450 mln tekshe metr. Ol jerde qazir sý joq, bos tur»,- deıdi Nur-Sultan qalasy tótenshe jaǵdaılar departamentiniń bastyǵy Baýyrjan Syzdyqov.
Sondaı-aq, ol Nur-Sultan qalasyndaǵy qordan 152 tehnıka men qural alynǵanyn jáne «Astana Tazalyq» mekemesine, tótenshe jaǵdaıdar departamentine, «QazAvtoJol» mekemesine berilgenin aıtty.
«Nura ózeni týraly aıtatyn bolsaq, Qaraǵandy, Aqmola oblystaryndaǵy áriptesterimizben habarlasyp otyrmyz. Búgingi tańda ózendegi muzdyń qalyńdyǵy - 50-52 sm. Naýryz aıynan bastap muzda balyq aýlaýdy jáne syrǵanaýdy toqtatý kerek», - deıdi ol.
