Naýryz aıynan bastap №30 jáne №42 avtobýstardyń baǵdary ózgeredi
ASTANA. 23 aqpan. QazAqparat - Orynbor, Almaty jáne Saraıshyq kósheleri boıynda jańa turǵyn úı keshenderi paıdalanýǵa beriletindikten, Astana qalasynyń Jolaýshylar kóligi jáne avtomobıl joldary basqarmasy №30 jáne №42 avtobýstardyń baǵdaryna mynadaı ózgerister engizýdi sheshti:
- №30 avtobýs: «Sýsamyr kóshesinen» bastap «Mınıstrlikter úıi» aıaldamasyna deıin ózgerissiz, odan ári - Orynbor - Almaty - Saýran kóshelerimen - odan ári eski baǵdar boıynsha;
- №42 avtobýs: «Et kombınatynan» bastap Qabanbaı batyr kóshesi boıymen «17 mektep-gımnazııasy» aıaldamasyna deıin ózgerissiz, odan ári Saraıshyq - Túrkistan - Qonaev kóshelerimen - odan ári eski baǵdar boıynsha;
Astana qalasynyń Jolaýshylar kóligi jáne avtomobıl joldary basqarmasynan astana.kz saıtyna habarlaǵanyndaı, bul ózgerister bıylǵy jyldyń 2 naýryzynan bastap engiziledi.
Esterińizge salamyz, budan buryn №16 avtobýstyń baǵdaryna mynadaı ózgeris engizilgen bolatyn: «Et kombınatynan» bastap Balqantaý kóshesiniń boıymen «Besshalqar kóshesi» aıaldamasyna deıin ózgerissiz, odan ári Besshalqar - Shalkóde kóshelerimen júredi, sońǵy aıaldama - «Promyshlennyı t/a». «Promyshlennyı» turǵyn úı alabyna júretin №13 avtobýs baǵdary jabylǵandyqtan, turǵyndardyń ótinishi boıynsha osyndaı sheshim qabyldandy.
