Nauryz Almaty Vibe: robottar merekeniń juldyzyna aınaldy
ALMATY. KAZINFORM — Almatyda Panfılovtyń jaıaý júrginshiler kóshesinde, Qabanbaı batyrdan Tóle bıge deıin saǵat 10:00-den 22:00-ge deıin ulttyq shapan kıgen gýmanoıdty robottar júretin bolady. Bul týraly Almaty ákimdiginiń baspasóz qyzmeti habarlady.
Olar ótip bara jatqan adamdarmen amandasyp, merekelik atmosfera syılap, qala turǵyndarymen sýretke túsip, bıleıdi.
Sondaı-aq, munda qaıta óńdelgen shıkizattardan jasalǵan statsıonarlyq robottar men robot daıashylardy, aspazdar men barıstalardy kórýge bolady, olar baýyrsaq jasap, kofe usynyp, tapsyrys alatyn bolady.
Kósheniń ortasy jarqyn oıý-órnekter men adamdardyń qımyldaryn kórsetetin Led ekrandary bar kınetıkalyq týnnelmen bezendirilgen. Qonaqtar úshin VR attraktsıondary, sadaq atý, II foto aımaq jáne «Oı-Dýman» shoýy bolady.
Vırtýaldy avatar Ǵalymjan qala turǵyndarynyń suraqtaryna jaýap berip, josparlanǵan is-sharalar týraly áńgimeleıdi. Sahnada laıv-bendiler men dıdjeıler óner kórsetedi.
Tehnologııa men dástúrdi úılestiretin Nauryz Almaty Vibe festıvali búgin saǵat 22:00-de aıaqtalady.