Naýryz: Aqtaýda avtobýstar jolaýshylardy tegin tasymaldady

AQTAÝ. QazAqparat -Aqtaýda Naýryz meıramyna oraı qoǵamdyq kólik tegin qatynady, dep habarlaıdy QazAqparat tilshisi.

Aqtaý qalasy ákimdigi baspasóz qyzmetiniń habarlaýynsha, Ulystyń uly kúni - 22 naýryz qaladaǵy barlyq baǵyttaǵy qoǵamdyq kólikte (№ 2, 3, 4, 4m, 5, 7, 8 ) jol aqysy barlyq jolaýshylarǵa tegin bolǵan.

Atalǵan aktsııaǵa qala turǵyndary alǵysyn jetkizdi.

«Barlyq qalaishilik avtobýstar alǵash ret tegin boldy. Bul - turǵyndar úshin bolmaǵan jaǵdaı. Úlken rızashylyǵymdy bildirgim keledi»,-dedi avtobýstan shyqqan qala turǵyny Jazıra Alpysbaeva.

Aıta keteıik, buǵan deıin Aqtaýda 1 naýryz - Alǵys aıtý, 8 naýryz - halyqaralyq áıelder kúni jáne 14 naýryz Amal meıramyna oraı qoǵamdyq kólikterde tegin júrýge múmkindik týǵan bolatyn.