Naýryznama: Astanada Tartys Fest ulttyq sport festıvali ótedi
ASTANA. KAZINFORM – Astanada «Han Shatyr» saýda-oıyn-saýyq ortalyǵynda Tartys Fest ulttyq sport festıvali ótedi. Aýqymdy is-shara ulttyq oıyndardy dáriptep, buqaralyq sportty damytýǵa baǵyttalǵan, dep jazdy elorda ákimdiginiń resmı saıty.
Festıvaldiń basty baǵdarlamasy – qazaq halqynyń ejelgi oıyndarynyń biri sanalatyn arqan tartý saıysy. Jarysqa kásibı sportshylarmen qatar qala turǵyndarynan quralǵan komandalar qatysady.
Uıymdastyrýshylardyń aıtýynsha, kórermender úshin de arnaıy oıyndar men jarystar qarastyrylǵan. Arqan tartystan bólek, festıval qonaqtary týrnıkke tartylý, qoı kóterý jáne toǵyzqumalaq boıynsha saıystarǵa qatysa alady.
– Bıylǵy festıvaldiń ereksheligi – is-shara Jasandy ıntellekt jyly aıasynda uıymdastyrylyp otyr. Ózderińizge málim, Memleket basshysy Qasym-Jomart Toqaev 2026 jyldy Tsıfrlandyrý jáne jasandy ıntellekt jyly dep jarııalaǵan bolatyn. Osyǵan baılanysty Naýryz merekesin jańa formatta ótkizýdi kózdep otyrmyz. Festıval barysynda qala turǵyndary jasandy ıntellekt elementteri qoldanylǵan týrnıkke tartylý, qoı kóterý jáne toǵyzqumalaq saıystaryna qatysa alady. Qatysý tegin. Qatysýshylardy tirkeý shara bastalar aldynda, tikeleı is-shara ótetin orynda júrgiziledi. ıAǵnı, 14 naýryz kúni saǵat 15:00-de «Han Shatyr» saýda oıyn-saýyq ortalyǵynda kútemiz. Barlyq baǵyt boıynsha jeńimpazdar men júldegerler baǵaly syılyqtarmen marapattalady, – dedi qalalyq sporttyq is-sharalardy ótkizý dırektsııasy basshysynyń orynbasary Erjigit Óserbaı.
Festıvaldiń negizgi maqsaty – salaýatty ómir saltyn nasıhattaý, ulttyq qundylyqtardy jańǵyrtý jáne qala turǵyndarynyń bos ýaqytyn belsendi ári paıdaly ótkizýine múmkindik jasaý.
Aıta keteıik, bul is-shara Astana qalasy ákimdiginiń qoldaýymen qalalyq Dene shynyqtyrý jáne sport basqarmasynyń uıymdastyrýymen ótedi.
Almatyda 14-23 naýryz aralyǵynda Naýryz meıramyna arnalǵan aýqymdy mádenı-kópshilik is-sharalar ótedi. Bıyl merekelik baǵdarlama «Naýryznama» tujyrymdamasy aıasynda uıymdastyrylyp, qala boıynsha 200-den astam is-sharany qamtıdy.
Árbir ulttyń tarıhı ótkeni men mádenıeti - onyń bolashaǵyna negiz qalaýshy mańyzdy faktorlar. Qazaq halqynyń baı mádenı murasy men salt-dástúri – ulttyń rýhanı baılyǵynyń negizi ekeni sózsiz. 17 naýryz - Mádenıet jáne ulttyq salt-dástúr kúni elimizdiń ulttyq murasyna degen qurmetimizdi arttyryp, ony bolashaq urpaqqa jetkizýdiń mańyzdylyǵyn aıqyndaıdy.
