Osy demalysta keı óńirde aýa temperatýrasy 3-10 gradýsqa deıin tómendeıdi
ASTANA. KAZINFORM — Qazgıdromet aldaǵy kúnderge arnalǵan aýa raıy boljamyn jarııalady.
Ortalyǵy Qostanaı oblysynyń ústinde ornalasqan aýqymdy tsıklon Qazaqstannyń barlyq aýmaǵyn qamtıdy, jaýyn-shashyn (jańbyr, qar) bolýy múmkin.
- Soltústik Qazaqstanda 29 naýryzda
- Aqmolada 29-30 naýryzda
- Pavlodar men Qaraǵandyda 30 naýryzda
- Shyǵys Qazaqstan oblystarynda 31 naýryzda jańbyr men qar túrindegi qatty jaýyn-shashyn jaýady.
Sondaı-aq myna óńirlerde nóser boljanady:
- Almatyda 29 naýryzda
- Túrkistanda 30 naýryzda
- Jetisý oblysynda 29-31 naýryzda qatty jańbyr jaýady.
30-31 naýryzda eldiń basym bóliginde soltústik-batysynda, soltústiginde (Aqtóbe, Qostanaı, Aqmola, Soltústik Qazaqstan oblystarynda) aýa temperatýrasynyń 3-10 gradýsqa deıin tómendeýi baıqalady, kúndiz birtindep 2-8 gradýsqa jylıdy.
Sáýirde jaýyn-shashyn mólsheri respýblıka aýmaǵynyń basym bóliginde normadan joǵary bolatyny boljandy. Ortalyqta (Ulytaý oblysy, Qaraǵandy oblysy), soltústikte (Pavlodar, Soltústik Qazaqstan, Aqmola oblystary), ońtústik-shyǵysta (Jambyl, Almaty oblysy, Jetisý), shyǵysta (Abaı oblysy, Shyǵys Qazaqstan oblysy), ońtústiktk (Qyzylorda, Túrkistan oblystary) normaǵa jaqyn bolady.
Buǵan deıin «Qazgıdromet» RMK 29 naýryzda Qazaqstan aýmaǵyndaǵy sınoptıkalyq jaǵdaı men qaýipti aýa raıy qubylystary týraly boljamyn jarııalaǵan bolatyn.
