Naýryzdaǵy UBT-ny 184 myńǵa jýyq adam tapsyrady
ACTANA. KAZINFORM - Búgin naýryz aıynda ótetin UBT bastaldy, ol 6 sáýirge deıin jalǵasady, dep habarlaıdy QR ǵylym jáne joǵary bilim mınıstrliginiń baspasóz qyzmeti.
184 myńǵa jýyq adam UBT-ǵa qatysýǵa ótinish berdi, bul ótken jylmen salystyrǵanda 20 myńǵa kóp. Olardyń 74,4%-y qazaq tilinde, 25,5%-y orys tilinde, 216 adam aǵylshyn tilinde testileýden ótýge ótinish bildirdi.
Atap ótsek, talapkerler ótinish berý barysynda olar testileý kúnin, ýaqytyn jáne pýnktin ózderi tańdady.
Eń kóp tańdalǵan beıindik pánder kombınatsııasy – «Matematıka-Fızıka», ony talapkerlerdiń 18,7%-y tańdaǵan. ıAǵnı, bul – bolashaq muǵalimder, ınjenerler, mehanıkter, tehnıkter men tehnologtar, energetıkter, qurylysshylar. Al 16,6%-y «Bıologııa-Hımııa», 10,3%-y «Shyǵarmashylyq emtıhan» pánderin tańdady, sáıkesinshe bolashaq medıtsınalyq qyzmetkerler men shyǵarmashylyq salasynyń mamandary.
UBT barysynda kalkýlıator, Hımııalyq elementterdiń perıodtyq júıesi (Mendeleev kestesi) jáne tuzdardyń erigishtik kestesi testileý baǵdarlamasynda qoljetimdi bolady. Test tapsyrýshylar testileý aıaqtalǵannan keıin 30 mınýt ishinde apellıatsııaǵa ótinish bere alady. Apellıatsııaǵa ótinish bergen testilenýshilerdiń sertıfıkaty apellıatsııalyq komıssııanyń sheshiminen keıin talapkerdiń jeke kabınetinde shyǵady.
2026 jyly Ulttyq biryńǵaı testileýdiń formaty ózgerissiz qalady. Talapkerler úsh mindetti pándi jáne tańdaýy boıynsha eki beıindik pándi tapsyrady. UBT tapsyrmalarynyń jalpy sany – 120. Onyń ishinde «Qazaqstan tarıhy» páni boıynsha 20 tapsyrma, «Oqý saýattylyǵy» men «Matematıkalyq saýattylyq» pánderinen 10 tapsyrmadan, sondaı-aq eki beıindik pánniń árqaısysynan 40 tapsyrmadan beriledi. UBT boıynsha eń joǵary ball da ózgermeıdi jáne 140 baldy quraıdy.
Testileý ýaqyty – 4 saǵat (240 mınýt). Bul rette erekshe bilim berý qajettilikteri bar balalar úshin usynylatyn qosymsha 40 mınýt ýaqyt saqtalatynyn aıta ketý kerek.
Esterińizge sala ketsek, naýryzdaǵy UBT-ǵa shartty túrde aqyly negizde kúndizgi oqý nysany boıynsha joǵary oqý oryndaryna qabyldanǵandar, ótken jylǵy mektep túlekteri, kolledj túlekteri, QR azamaty bolyp tabylmaıtyn ulty qazaq tulǵalar, shetelde bilim alǵan QR azamattary, mektep bitiretin túlekter joǵary oqý oryndaryna aqyly negizde túsý úshin qatysady.
Osyǵan deıin naýryzda ótetin UBT-ǵa ótinish qabyldaý qashan bastalatyny týraly jazdyq.