Mereke kúnderi jol qozǵalysy qalaı ózgeredi
ASTANA. KAZINFORM – Naýryz qarsańynda Sergek ITS sarapshylary Astana men Almaty joldaryndaǵy kólik júktemesin taldap, ótken jyldaǵy málimetter negizinde bıylǵy yqtımal jaǵdaıǵa boljam jasady. Bul týraly Sergek Group kommýnıkatsııa departamentiniń baspasóz qyzmeti habarlady.
Eki qalada da kólik qozǵalysy mereke kúnderi aıtarlyqtaı artady. 2024 jyly Astanada 20 naýryzda pık saǵattarynda ortasha qozǵalys jyldamdyǵy tómendegen:
– Tańǵy qarbalas ýaqytta
– Bógenbaı batyr dańǵyly (eki baǵytta) → -5–11%
– Tilendıev dańǵyly (batys) → -6–12%
– Turan dańǵyly (soltústik) → -13%
– Keshki qarbalas ýaqytta:
– Qabanbaı batyr dańǵyly (ońtústik) → mınýs 12–15%
– Qorǵaljyn tas joly (batys) → mınýs 10–15% (13:00-den túnge deıin)
– Turan dańǵyly (soltústik), Abylaı han dańǵyly (batys) → mınýs 5–6% (15:00-den bastap)
Almatyda 2024 jylǵy 20 naýryzda jol qozǵalysy barlyq derlik kóshelerde 19–36%-ǵa artqan. Ásirese, sarapshylar VOAD (soltústik) jáne ál-Farabı dańǵylyn (shyǵys) erekshe atap ótti. VOAD → +36%. Ál-Farabı dańǵyly → +31%
Pık saǵattarynda qozǵalys jyldamdyǵy ózgermegen, kólik aǵyny birkelki taralyp otyrǵan.
Bıyl da dál osy jaǵdaı qaıtalanýy yqtımal. Sondyqtan Astana men Almaty turǵyndaryna jolǵa qosymsha 15–20% ýaqyt qarastyrý kerek. Merekeni úıge jaqyn jerlerde atap ótip, múmkindiginshe qoǵamdyq kólikti paıdalanýdy usynamyz.
Eske sala keteıik, buǵan deıin eki oblystaǵy respýblıkalyq jolda kólik qozǵalysy shektelgenin habarlaǵan edik.