Naýryzda 1 000 teńgelik banknota jańa dızaınmen aınalymǵa shyǵady
ASTANA. KAZINFORM – Qazaqstan Ulttyq Banki QUB Basqarmasynyń kezekti otyrysy ótti. Onda aqsha jáne valıýta naryǵyndaǵy jaǵdaı týraly baıandama qabyldandy. Bul týraly Ulttyq banktiń baspasóz qyzmeti málim etti.
— 2025 jylǵy 28 naýryzdan bastap 2024 jylǵy úlgidegi ózgertilgen dızaıny bar 1 000 teńgelik banknotany aınalymǵa shyǵarý týraly sheshim qabyldandy, — delingen habarlamada.
Sondaı-aq 2025 jyly eki jańa kollektsııalyq moneta — «GRIFFIN» («Kóshpendiler ańyzy men mıfteri» serııasynan) jáne «OTYRAR» («Qazaqstandy monetalar arqyly zertte» serııasynan) monetalaryn shyǵarý ári aınalymǵa engizý máselesi bekitildi.
Eske sala keteıik, buǵan deıin saq stılindegi nomınaly 2 000 teńgelik jańa serııaly banknotalar aınalymǵa shyǵatynyn jazǵan bolatynbyz.
Sondaı-aq Ulttyq bank fýtbol klýbtarynyń kollektsııalyq monetalaryn aınalymǵa shyǵarady.