Naýryzda AQSh shekarasynan zańsyz ótkender sany rekordtyq deńgeıge deıin tómendedi – NY Post

ASTANA.KAZINFORM - Naýryz aıynda AQSh-Meksıka shekarasynda 7 myńǵa jýyq zańsyz elge kirý faktisi tirkeldi, dep habarlaıdy New York Post.

2024 jyldyń naýryz aıynda olardyń sany 137 000 boldy. Naýryzda AQSh-Meksıka shekarasyn zańsyz kesip ótý sany qaıtadan azaıyp, eń tómengi deńgeıge jetti, dep habarlaıdy NY Post aqparat kózderine silteme jasap.

2025 jyldyń aqpanynda 8300-ge jýyq zańsyz mıgrant shekaradan ótti, bul kem degende 25 jyldaǵy eń tómengi deńgeı.

Munyń bári «Tramptyń yqpalynan» dep habarlady AQSh ishki qaýipsizdik departamentindegi birneshe derekkóz The Post basylymyna.

Shamamen 7 000 shekaradan ótý jaǵdaıynyń kóbi San-Dıego jáne El Paso aýdandarynda bolǵan.

Buǵan deıin AQSh-ta zańsyz mıgranttardy jappaı deportatsııalaý jalǵasyp jatqany habarlanǵan bolatyn. Alaıda sarapshylar el bıligi barlyǵyn elden shyǵara almaıdy dep esepteıdi.

2024 jylǵy 24 qarashadaǵy jaǵdaı boıynsha ICE qamaýyndaǵy azamattyǵy joqtardyń jalpy sany 1 445 549 adam boldy. Onyń 369-y – Qazaqstan azamaty. Olardy shyǵarý týraly túpkilikti sheshim qabyldanǵan.

Aıta keteıik, AQSh Izraılge qarsy sherýge qatysqan 300-den astam stýdenttiń vızasyn alyp tastady.