«Naýryz jumysker» baǵdarlamasyna qandaı jumysshylar qatysa almaıdy
ASTANA. KAZINFORM – «Otbasy bank» aktsıonerlik qoǵamynyń basqarma tóraıymy Lázzat Ibragımova Senatta ótip jatqan parlamenttik tyńdaýda «Naýryz jumysker» baǵdarlamasyna qandaı jumysshylar qatysa almaıtynyn aıtty.
— «Naýryz jumysker» baǵdarlamasy boıynsha jumysshy mamandyq ıelerinen bólek ótinim qabyldanady. Sondyqtan 17 naýryzda «Otbasy banktiń» fılıaldarynda kez kelgen sátte ótinim berý múmkindigi ashylady. Bul jerde dál qazir jumysshy mamandyqta jumys istep júrgen adamdarǵa basymdyq beredi.
Ótinimder shynaıy ýaqyt rejıminde qabyldanady. ıAǵnı, fılıalǵa kim birinshi kelse, sonyń páterdi birinshi tańdap, borysh alýǵa múmkindigi bolady. Ótinim berýshi jumys jerine anyqtama ákelýi kerek. Bank qyzmetkeri sol anyqtama boıynsha jumys berýshiniń BSN-i arqyly qaı salanyń kásiporny ekenin anyqtaıdy.
Birinshi kezekte taý-ken, qaıta óńdeý, ónerkásip mamandyǵynyń jumysshylaryna basymdyq beriledi. Sondaı-aq energetıka, kólik, aýyl sharýashylǵy jáne sý resýrstary mamandyqtaryna basa mán beriledi. Osydan keıin ótinim berýshiniń shynymen jumysshy mamandyǵynyń ókili ekenin anyqtaımyz. ıAǵnı, tehnolog, synama alýshy, júrgizýshi degen sııaqty kásip ıeleri bolýy kerek. Atalǵan salalardyń uıymdaryndaǵy keńse menedjeri, býhgalter, PR-menedjer bolyp jumys isteıtin adamdar «Naýryz jumysker» baǵdarlamasyna qatysa almaıdy, - dedi Lázzat Ibragımova.
Sondaı-aq ol baǵdarlama boıynsha beriletin nesıeniń eń joǵary somasyn atady.
— Tekserýden keıin ótinim ıesi páter tańdaı alady. Astana, Almaty qalalarynda eń joǵary soma 36 mln teńge bolyp belgilendi. Qalǵan óńirlerdiń oblys ortalyqtarynda 30 mln teńge bolady.
Satyp alynatyn páterdi sharshy metr men baǵasy naqty qoıylǵan Baspana Market portalynan tańdap alý kerek bolady. Bul atalǵan páterdiń baǵasy ósip ketpeý úshin jasalyp otyr. Eger, mysaly, temirjolshy Astanadan 80-90 shaqyrym jerde turatyn bolsa, ózi turatyn mono qalada nemese aýdan ortalyǵynda páter alǵysy kelse, biraq onda bastapqy baspana bolmasa, qaıtalama naryqtan alýyna ruqsat beriledi. Sondaı-aq páter árlengen bolsa, alǵashqy jarnasy 10 paıyzǵa deıin tómendetiledi, - dedi ol.
Eske salsaq, jyl basynda Premer-Mınıstr Oljas Bektenov jumysshylarǵa arnalǵan jeke ıpotekany iske qosýdy tapsyrǵan edi.