Naýryz jáne Otaý baǵdarlamalary arqyly 9 370 otbasy jańa baspana alǵan

ASTANA. KAZINFORM – «Otbasy bank» aktsıonerlik qoǵamy bıylǵy 11 aıdyń ishinde qazaqstandyqtarǵa 33 myńǵa jýyq ıpoteka nesıesin bergen. Úkimet otyrysynda aktsıonerlik qoǵamnyń basqarma tóraıymy Lázzat Ibragımova osyndaı dere keltirdi.

— «Otbasy banktiń» basty maqsatynyń biri — salymshylardy jańa turǵyn úımen qamtamasyz etý. Bank 11 aıdyń ishinde 32 895 zaem berdi. Jalpy somasy — 571 mlrd teńge boldy. Onyń ishinde kezekte turǵan salymshylarǵa 7 861 zaem berildi, — dedi ol.

Bank basshysy «Otbasy bank» operatory bolyp esepteletin basqa ıpotekalyq baǵdarlamalar boıynsha 25 034 otbasy jańa páterge kirgenin atap ótti. Onyń 40 paıyzy «Naýryz» jáne «Otaý» baǵdarlamalaryna tıesili. 

— Osy arqyly 9 370 otbasy jańa baspanaly boldy. Jalpy somasy 240 mlrd teńge boldy. Baǵdarlamany naqty júzege asyrý jyldyń maýsym aıynan bastaldy. Kelesi jyldyń basynda jalǵasady, — dedi Lázzat Ibragımova.