«Naýryz» jáne «Naýryz jumysker»: baǵdarlama aıasynda qansha páter berildi

ASTANA. KAZINFORM — Ónerkásip jáne qurylys vıtse-mınıstri Qýandyq Qajkenov «Naýryz» jáne «Naýryz jumysker» baǵdarlamalaryn iske asyrý barysyn túsindirdi.

- «Otbasy bankiniń» óz qarajaty men naryqtan tartylǵan qarajatty paıdalana otyryp, «Naýryz» jáne «Naýryz jumysker» baǵdarlamalary iske qosyldy. Búginde «Naýryz» baǵdarlamasy boıynsha jalpy somasy 142,7 mlrd teńge bolatyn 5091 nesıe berildi. Al «Naýryz jumysker» baǵdarlamasy aıasynda 60,4 mlrd teńgege 2450 nesıe berildi, - dedi Q.Qajkenov Parlament Májilisi janyndaǵy Qoǵamdyq palata otyrysynda.

Budan buryn habarlanǵandaı, «Otbasy bank» 2025 jyly da «Naýryz» baǵdarlamasyn júzege asyryp, Qazaqstandyqtarǵa qoljetimdi turǵyn úı alý múmkindigin usynady. 

Ótinimderdi qabyldaý 2025 jyldyń 1 jeltoqsanyna deıin júrgizildi.

Aıta keteıik, «Naýryz jumysker» baǵdarlamasy boıynsha berilgen nesıelerdiń 60%-yn ónerkásip jáne qurylys salasynyń qyzmetkerleri aldy.