Naýryz naqyshtary: Túrkistan kóshelerine 100 astam kishi sáýlettik formalar qoıyldy
TÚRKІSTAN. KAZINFORM — Qala kóshelerin bezendirýge bıýdjetten qarjy qaralǵan joq.
Bıyl Túrkistan qalasynda naýryz merekesi «Kerýen-Saraı» týrıstik kesheniniń aýmaǵynda atap ótiledi. Onda ornalasqan 20 kıiz úıde salt-dástúrdi dáripteıtin kóptegen is-sharalar uıymdastyrylmaq. Sondaı-aq, qala turǵyndary men qonaqtary «Jeńis» saıabaǵynda da Áz-Naýryzǵa arnalǵan is-sharalardy tamashalaı alady.
«Qazirgi kezde qala kósheleri Áz-Naýryz merekesine oraı bezendirilip jatyr. Ár kóshe men alańshalarǵa, alleıalar men saıabaqtarǵa qoıylǵan 100-den astam kishi sáýlettik formalar turǵyndarǵa merekelik kóńil-kúı syılaýda. Onda qala turǵyndary men qonaqtar arnaıy sýretke túsip, merekeni qyzyqty ótkizýge bar jaǵdaı jasalǵan» — delingen Túrkistan qalasy ákimdigi usynǵan aqparatta.
