Naýryz meıramynda terakt jasamaq bolǵan 30-dan astam tájikstandyq sottaldy

DÝShANBE. KAZINFORM – Byltyr Naýryz merekesinde halyqty jappaı ýlamaq bolǵan tájikstandyqtarǵa sot úkimi shyqty, dep habarlaıdy Kazinform agenttiginiń tilshisi.

Tájikstan Bas prokýratýrasynyń Terrorızm jáne ekstremızmge qarsy kúres basqarmasynyń basshysy Djýmanazar Saıdahmadzodanyń aıtýynsha, kináliler 8 jyldan 20 jylǵa deıingi merzimge bas bostandyǵynan aıyryldy. 

Atalǵan is boıynsha taǵy 10 adam izdeýde. 

— Sottalǵandardyń barlyǵy derlik Tájikstannyń túrli qalasy men aýdandarynyń turǵyndary. Olar Vahdat qalasynda Naýryz meıramyn toılaý kezinde tamaqty ýlap, terrorıstik akt uıymdastyrýdy josparlaǵan, - dedi Djýmanazar Saıdahmadzoda.

Aıta keteıik, osy is boıynsha byltyr Tájikstanda 20-dan astam adam ustalǵan bolatyn. Bas prokýratýranyń málimetinshe, lańkestik áreket uıymdastyrýdy josparlǵandardyń barlyǵy «Islam memleketi» terrorıstik uıymynyń (Qazaqstanda tyıym salynǵan — avt.) músheleri bolyp shyqty. 

Qosa ketsek, byltyr Tájikstanda jemqor sheneýlikter memleketke 40 mln dollarǵa jýyq shyǵyn keltirdi.