Naýryz meıramyna oraı Pavlodar oblysynda 151 kıiz úı tigiledi
PAVLODAR. KAZINFORM - Jalpy óńirde Ulystyń uly kúnine baılanysty 2 myńnan astam merekelik is-shara ótkizý josparlanǵan.
Ertis-Baıan óńiri Naýryz meıramyn laıyqty deńgeıde atap ótýge kirisip ketti. Oblystyq mádenıet, tilderdi damytý jáne arhıv isi basqarmasynyń málimetinshe, aımaq boıynsha 151 kıiz úı tigiledi.
- 14 naýryz - «Kórisý kúninen» («Amal merekesi») bastap ár kún kontseptýaldy baǵyttar boıynsha atap ótiledi. 22 naýryz kúni J.Aımaýytov atyndaǵy qazaq mýzyka-drama teatrynda «Qosh keldiń, áz-Naýryz» merekelik kontserti, qala-aýdandardyń ortalyq alańdarynda «Naýryz-dýman!» mádenı-kópshilik is-sharalar, fılarmonııanyń kontserttik zalynda Rústembek Omarov atyndaǵy qazaq ult aspaptar orkestriniń «Qosh keldiń, áz Naýryz!», «Batyr mall» saýda oıyn-saýyq ortalyǵynda «Shańyraq» ortalyǵy ártisteriniń kontserti uıymdastyrylady. Pavlodardyń Ortalyq alańynda qazaqstandyq estrada ártisteriniń qatysýymen merekelik is-shara ótedi. Mereke qarsańynda jáne mereke kúnderi oblysymyzdyń saýda keshenderinde, qyzmet kórsetý mekemelerinde, saýda-oıyn saýyq ortalyqtarynda, dúkenderde oblys turǵyndary úshin túrli aktsııalar men jeńildikter uıymdastyrylady, - dep málimdedi basqarmadan.
Oblys ortalyǵynda merekeni toılaýǵa shyqqan jurtshylyqqa kontsertten keıin bes myń baýyrsaq taratylmaq.
Eske sala keteıik, naýryzda 1 000 teńgelik banknota jańa dızaınmen aınalymǵa shyǵardy.