Naýryz meıramy: Astananyń turǵyn alaptarynda kontserttik baǵdarlamalar ótedi
ASTANA. KAZINFORM – 21-22 naýryz kúnderi elordanyń bes aýdanynyń turǵyn alaptarynda ınteraktıvtermen ótetin kontserttik baǵdarlamalar uıymdastyrylady. Bul týraly Astana ákimdiginiń resmı saıty habarlady.
Esterińizge sala keteıik, Naýryz merekesi aıasynda Astanada 200-ge jýyq is-shara ótip jatyr. Qala turǵyndary kontsertterge, merekelik baǵdarlamalarǵa, kórmelerge, qoıylymdarǵa, ulttyq sport túrleri boıynsha sport jarystaryna, halyqtyq merekelerge jáne t.b. qatysa alady.
21-22 naýryz kúnderi 5 aýdanda turǵyndar úshin shyǵarmashylyq ujymdar men oryndaýshylardyń qatysýymen kontserttik baǵdarlamalar ázirlenip otyr. Sonymen qatar sporttyq oıyndar men arnaıy taqyryptarǵa negizdelgen fotoaımaqtar uıymdastyrylady.
Baıqońyr aýdany boıynsha ashyq aspan astyndaǵy is-sharalar myna oryndarda ótedi:
- 21 naýryz kúni saǵat 14:00-den 16:00-ge deıin Qazqalashyqtaǵy №55 mektep aýmaǵynda;
- 21 naýryz kúni saǵat 17:00-den 19:00-ge deıin Jezkıik kóshesi, 19 mekenjaıyndaǵy ortalyq alańda;
- 21 naýryz kúni saǵat 12:00-den 14:00-ge deıin Qoıandy saıajaı alabynda, Kenshiler kóshesi, 5 mekenjaıyndaǵy ortalyq alańda;
- 22 naýryz kúni saǵat 13:00-den 15:00-ge deıin Óndiris turǵyn alabynda, Aqbıdaı kóshesi, 6;
- 22 naýryz kúni saǵat 12:00-den 14:00-ge deıin Kırpıchnyı turǵyn alabynda, Jolymbet pen Chehoev kósheleriniń qıylysyndaǵy ortalyq alańda.
Esil aýdany boıynsha merekelik baǵdarlama Saǵat 12.00-den 14.00-ge deıin Prıgorodnyı turǵyn alabyndaǵy Arnasaı kóshesi, 127 mekenjaıynda ornalasqan N24 orta mektebinde ótedi.
Qonaqtar arasynda arqan tartý, asyq atý, qol kúres, gir kóterý sekildi ulttyq sport túrlerinen jarystar ótedi.
Nura aýdanynda kontsert 21 naýryzda Úrker turǵyn alabyndaǵy Aıǵyrjal kóshesinde ornalasqan gúlzarda ótedi.
Saryarqa aýdany boıynsha myna oryndar belgilendi:
- 21-22 naýryz – Kóktal saıabaǵy, S.Beıbarys kóshesi;
- 22 naýryz – Qorǵaljyn saıabaǵy, Qusmuryn kóshesi, 2;
- 22 naýryz – Oqjetpes skveri, Oqjetpes-Gertsen kósheleriniń qıylysy.
Almaty aýdany boıynsha:
- 21 naýryz – Internatsıonalnyı turǵyn alaby;
- 21 naýryz – Mıchýrıno turǵyn alaby;
- 21 naýryz – Jeleznodorojnyı turǵyn alaby;
- 21 naýryz – Ónerkásip turǵyn alaby;
- 21 naýryz – Kúıgenjar turǵyn alaby.
Sonymen qatar elordada eriktiler ystyq shaı men baýyrsaq taratý boıynsha aktsııalar ótkizedi, olar qar kúreýge kómek kórsetedi, halyqtyń áleýmettik osal toptarynan shyqqan otbasylarǵa azyq-túlik sebetterin tasymaldaıdy. Astanada ıgi ister marafony da ótip jatyr. Aktsııanyń basty maqsaty - eriktiler men ózge de turǵyndardyń muqtaj azamattarǵa barynsha kómek kórsetý.
Atalǵan jumys aıasynda 1 000-nan astam azyq-túlik jıyntyǵy áleýmettik az qamtylǵan otbasylar, kópbalaly analar, erekshe qajettilikteri bar balalardy tárbıelep otyrǵan otbasylar, zeınetkerler jáne tolyq emes otbasylar sııaqty halyqtyń áleýmettik osal toptaryna taratyldy.
